يعنى ايه ان اﻻحكام اللى بنصدرها على اﻵخرين (غبى..زكى.. كسول.. نشيط.. صح..غلط..عدوانى.. مسالم..انانى.. كريم.. و....) وتصنيفهم وانتقادهم (ماكانش مفروض تعمل كده.. ﻻ انت غلطت...دى سخافه منك ... و...) او العصبيه والنرفزه وإظهار الضيق نتيجه انى غضبت. وكمان اﻻوامر الصارمه والنواهى( ﻻزم... المفروض.. كان واجب عليك انك تعمل كذا...) و نفى مسئوليتى عن أفعالى (انا إضطريت اعمل كده.. ماكانش قدامى حل تانى .. انا بشتغل ﻷنى مضطر هعمل ايه تانى يعنى.. انا ضربت ابنى ﻷنه كان بيجرى فى الشارع و العربيه كانت هتخبطه) كل ده .. كل ده واكتر مارشال روزنبرج بيحاول يورينا ان تحت كل اللى فات احتياجات لم تشبع .. لم توفى..
ببساطه كل كلمه من اللى فاتوا مصحوبه بمشاعر زى الغضب.. الحزن..الخوف..الاحساس بالخجل والعار..الاحساس بالذنب.. والمشاعر دى سببها الحقيقى احتياجات لم توفى زى احتياجنا للامان او للمحبه او للتقدير او للارتباط والانتماء ﻵخرين او للسكينه والسلام والراحه او احتاجات اخرى كتير . عندما لا يوفى احتياج تنزعج بعض خلايا المخ لتنبهنا ان هناك احتياج جائع يطلب اﻻشباع ليستقر ويهدأ... فياخذ المخ وضع دفاعى (بالهجوم غضبا وانتقاما وتوبيخا ولوما للاخرين ونتخاتق او بالانسحاب ولوم النفس وتصديق كل الللى بيتقال عليها فنشعر بالحزن او الذنب او العار).
لماذا هو مأساوى؟... ﻻنه فى اﻻغلب لن يؤدى الى حصولنا على ما نطلب بالعكس سنخرج خاسرين .
مثال: واحد سايق جنبى بطريقه ماعجبتنيش وكان هيخبطنى...... فتحت شباك عربيتى ورحت قايل له "يا غبى".
ياغبى (حكم وتصنيف وتشخيص) تحته مشاعر بالخوف على نفسى او على عربيتى مثلا تحت المشاعر دى احتياجى للامان او احتياجى ﻻن الدنيا تبقى منظمه.
مأساوى ﻻنى مش هحصل على اللى انا عايزه و السواق مش هيتأسف ويقول :"انا هحاول اصلح سواقتى بعد كده" انما هيفتح الشباك ويشتمنى او هتتصاعد لما هو اسوأ من كده.
https://www.facebook.com/NVCEGYPT/posts/626100447548705
