فى مدارس الزرافات المبنيه على التواصل بلا عنف (NVC):
- لا توجد واجبات منزليه .. لأن كلمه واجب أصلا ضد منهجهم .. فالتلميذ يتعلم و يذاكر من قلبه .. مش عشان خايف من العقاب ولا عشان يرضى أهله أو مدرسينه .. ولا عشان ده مفروض عليه ولا عشان جايزه ولا عشان يهرب من العقاب ..
- لا توجد إمتحانات .. لكن الإمتحان يوضع أول يوم فى السنه على أساس إنه المقرر اللى عايزين نتعلمه السنه دى .. و تقييم التلميذ بإن مدرسه يذكر هو إتعلم ايه و محتاج يتعلم ايه و لسه ما إتعلموش..
- لا يوجد تنافس مسعور بين التلاميذ على درجات أو تباهى بمستوى إجتماعى
- المدرسين و التلاميذ و الأهل يتكلمون نفس اللغه (لغه التراحم)
- لا عقاب و لا ثواب
- البحث عن المشترك بيننا هو السائد .. مش البحث عن الفروق بيننا ..
- كل الإحتياجات لكل الناس لها نفس التقدير و الإحترام ..
- التعاطف قبل التعليم
- الكل متعاون معا .. مش التلاميذ خانعين و منصاعين للمدرس ولا خايفين منه ..
- لا تذكر كلمه (غلط / خظأ) فى المدرسه
- البحث عن الإحتياج الغير مشبع وراء أى تصرف
- هذه المدارس هى مدارس بلا عنف تقريباً ..
- بيحلوا صراعاتهم ومشاكلهم من نفسهم و بسهوله
- تحصيلهم للعلم بمحبه و برغبه و أكتر من المدارس العاديه لأنه من القلب
- فيه شعور بالأمان فى المدرسه بين الجميع
- المدرسه هى مصدر متعه للجميع
- يمكن نتخيل إن ده حلم .. لأ ..
- فيه أكتر من 1000 مدرسه فى العالم بالشكل ده
المراجع
ضبيع أحمد. (2017, December 18). مدارس الزرافات. NVCEGYPT. https://www.facebook.com/NVCEGYPT/posts/1050621055096640.
